Von der Pergsucht und anderen Kranckheitten (Abdruck der Handschrift Halle, Marienbibliothek, Hs Nr. 70 (= 34))

Zusammenfassung

Zu beschreiben die Kankheit pergsucht, ist erstlich von nöten

zu entdecken etlichs theils die also vnd lange

herkommen lungensucht, in was wegen sich dieselbige

begeb. Dan aus demselbigen grvnd wird gleichmes-

sig verstanden die gepurt vnd ursprung der perg-

sucht, welche beide sich scheiden allein im Element,

vnd der statt halben, vnd wachsen einen gleichmessigen

process. Nun ist die Lungensucht ein kranckheit der lungen

vnd was derselbigen müglich ist weiter im leibe zu

uergifften: Also ist auch die pergsucht: Auff solches

folget hernach die beschreÿbung ihm ersten tractat , die

gepurt der lungsucht, wie dieselbig iren vrsprung

nimpt, beÿ dem kürtzisten begriffen, so viel vnd nott

ist hie einzuzÿhen . Nach welchem verstand folget

hernach der ander tractatt, in dem furgehalten

wird die gepurt der pergsucht. Nach dieser erkant-

nus folget hernach der drit tractatt von der er-

zeigung vnd wesen des eusseren vnd inneren