Einleitung zum Esopus (1476) (Auszug)

Zusammenfassung

Das leben des hochberümten fabeldichters Esopi […] etliche ergeczlikait dar uß ze enpfachen, die ouch nuczlich ist, wa sie [die Fabeln] verstentlich werdent gelesen nach der 1ere sancti Basilii, daz der leser dises büchlins verstentnüs habe der pinen gegen den pluomen, die der ußern farben nit acht habent, sunder suochent sie die süssikait des honigs und den nucz des wachs zuo ierem buw, daz niement sie hindan, und laußent das übrig taile des pluomen ungelezet. Also wer das büchlin lesen wil, der sol die farb der pluomen, das ist die märlun oder fabeln, nit groß achten, sunder die guoten 1ere, dar inn begriffen, zuo guoten sitten und tugend ze lernen und böse ding ze schlichen lerende uß sugen und an sich niemen ze narung und spys des gemüts und des lybs. Wann welche das nit tuond, sonder diß büchlin allain von der märlin wegen lesen wöllent, die bringent nit mer dar von, wann der han von dem edeln gestain, der lieber ain gersten körnlin funden het, als die erst fabel Esopi lert. Hie wirt ouch allain die gemain ußlegung nach schlechtem tütsch ungerymt geseczet, nit wie sy vor in tütschen rymen geseczet sint, umb vil zuogelegte wort zemyden und uf das nächst by dem text, wie oben stat, zu belyben.